ZAR Boeke

Huisgenoot Braai | Kos & drank

Carmen Niehaus

Huisgenoot Braai bevat Suid- Afrika se beste braairesepte en -wenke, spesiaal uitgesoek en getoets, van ou staatmakers tot splinternuwe, innoverende resepte.

Carmen Niehaus se omvattende braaigids propvol lusmaak-resepte, getoets in Huisgenoot se kombuis, dek alles wat ‘n braaier sou kon wil weet. Nie net kry al die vleissoorte – vis, vark, steak, hoender en wild – hulle kans op die kole nie, maar daar is ook hoofstukke oor slaai en groente, brode en poeding, en happies vir vooraf. Praktiese detail oor braai met kole, brikette of gas, oor marinades en gegeurde botters, souse en vryf- of speserymengsels help karakter aan jou kos verleen.

Is iemand dalk lus vir die Gekruide skaapribrol met hupstootvulsel of Klewerige hoendervlerkies? Of wat van Gevulde wildsrugfilet en Weskussnoek?

Met Huisgenoot Braai nooi Carmen alle braaiers – van beginners tot dié wat wéét – om vriende en familie saam te roep vir smulkos en samesyn.

Die Volledige bakboek | Kos & drank

Heilie Pienaar

Die Volledige Bakboek is voorwaar die enigste bakgids wat jy in die kombuis benodig. Heilie Pienaar bespreek die basisbestanddele (bv. Meel, suiker, eiers en rysmiddels), gee raad oor die kies van bakware, voorbereiding van die oond, seevlakgids vir bak en vinnige omskakelings.

In Die Volledige Bakboek bied Heilie meer as 250 resepte wat die klassieke familie-gunstelinge insluit, maar ook 'n versameling vir die wat hou van resepte met 'n kinkel – soos Swart Woud-muffins, Spek-en-eier-muffins in fillodeeg, Naanbrood met knoffel en koljander en Lemoen-semolina koek.

Die boek bied ook 'n hoofstuk met tradisionele gebak soos Koeksisters, Soetkoekies, Tipsytert, Tradisionele melksnysels en Souskluitjies.

Bêremengsels is nog 'n hoogtepunt wat bakwerk vinniger en goedkoper maak – jy maak een groot mengsel en deel dit dan in porsies om later op 'n verskeidenheid maniere te gebruik.

Die stap-vir-stap hoofstuk dien as 'n gids vir versiering, tegnieke, wat verkeerd kan loop en die aller-belangrike woordelys.

Die Volledige Bakboek is uiters bruikbaar, propvol inspirasie en die resepte 100% betroubaar.

Suster Lilian se swangerskap- en geboorteboek | Gesondheid, dieet & kookkuns

Suster Lilian

Suster Lilian is ’n ervare vroedvrou met uitgebreide praktiese ondervinding van swangerskap, geboorte en kindersorg. Met hierdie wonderlike nuwe boek rus sy verwagtende ouers toe met alles wat hulle maar kan wil weet omtrent swangerskap en geboorte.

Aangesien voorgeboortelike sorg ideaal reeds lank voor bevrugting begin, bespreek sy die regte maniere om vir swangerskap voor te berei sodat die ouers kan verseker wees hulle verwek die gesondste baba moontlik. Die moeder se gesondheid, haar persoonlikheid, die ouers se verhouding, hul emosionele intelligensie, ouderdom en vrugbaarheidsfaktore word van nader beskou.

Sy lei die ouer deur elke stadium van die swangerskap self. ’n Meer intieme kennis van die groei en ontwikkeling van die baba, laat hulle meer betrokke voel by hierdie haas ongelooflike proses en maak hulle ook meer bewus van hoe hulle hierdie ontwikkeling kan beïnvloed. Hierdie kennis help om ongegronde vrese te besweer, bemagtig hulle om die regte keuses uit te oefen, en help om swangerskap ’n aangename ervaring te maak.

Suster Lilian voel dat die geboorteproses, dié gebeurtenis waarop ouers gewag het deur die lang weke van die swangerskap, meer natuurlik kan geskied as die unieke eienskappe van die moeder wat gaan geboorte skenk in gedagte gehou word. Sy kyk na al die opsies, en beveel ’n natuurlike geboorte aan waar alles wel is met die moeder en die baba, maar waar mediese ingryping of ’n keisersnee aangewese is, is dit die beste uitweg.

ALSO AVAILABLE IN ENGLISH, Sister Lilian's Pregnancy and Birth Companion.

Wat’s in Mamma se magie? | Prenteboeke

Abby Cocovini

Hierdie is die enigste boek wat jy ooit sal nodig hê om te verduidelik wat gebeur binne-in ’n verwagtende mamma se magie! Die swangerskap ontwikkel maand vir maand, bladsy vir bladsy. Hou die blaaie teen jou maag en die lewensgrootte illustrasies sal dit duidelik maak hoe die baba besig is om te groei. Die finale uitvoublad wys presies hoe groot die baba in Mamma se maag werklik is! Deel en geniet hierdie boek met jou kind en berei hom of haar voor vir die koms van hulle nuwe bababoetie of –sussie!

Vergeet-My-Nie: Vriende is soos bloeisels | Prenteboeke

Michael Broad

Partytjies is pret | Kos & drank

dit

Gebasseer op die gewilde kinderpartytjie reeks in dit, geborg deur Stork, is Partytjies is pret die een boek wat elke ma moet hê. Stork en dit het 25 opwindende partytjietemas saamgestel wat elke verjaardagdogter of –seun terdeë sal geniet en terselfdetyd partytjies ’n plesier sal maak vir ouers. Elke partytjietema sluit die volgende in:

• stap-vir-stap instruksies vir ’n onvergeetlike verjaardagkoek
• tematiese uitnodigings en versierings
• partytjielekkernye wat maklik is om te maak
• oorspronklike goetersakkies

Die omvattende inleiding verskaf nuttige raad oor alles van die beplanning van die gebeurtenis, hoeveel kinders uitgenooi moet word vir watter ouderdomsgroepe en die hantering van dissipline en noodhulp wanneer jy ’n partytjie by jou huis hou, tot voorstelle vir speletjies om die kinders besig te hou. ’n Keur van vinnige en maklike resepte vir eetgoed vir volwassenes sorg dat daar goed omgesien word na die grootmense.

Met pragtige fotos, bekostigbare handwerk en hope partytjie-idees, is Partytjies is pret die perfekte gids tot partytjies sonder moeite en propvol pret vir beide ouers en kinders.

Partytjies is pret 2 | Kos & drank

Arina du Plessis, Bernice van der Merwe

Deesdae behels ’n kinderpartytjie meer as net koek bak en ballonne opblaas. Jy stort baie tyd, liefde en geld in om dié dag ekstra spesiaal vir jou kind te maak. Maar vir baie ma’s is die blote gedagte aan die reëlings en voorbereiding vir die partytjie vreesaanjaend. Gelukkig wys Partytjies is pret 2 jou hoe maklik dit is om ’n partytjie te hou en boonop te geniet. Ons heel eerste gedagte met dié boek was om terug te keer na die basiese beginsels van ’n kinderpartytjie, waar dit moet gaan oor speel, vrolik wees, fees vier en lekkergoed eet (en nie oor wie die grootste en duurste mini-onthaal kan hou nie).

Ons vertrekpunt is dus eenvoudig – gesonde pret en plesier, sonder om jou bankbalans te knou. Hoewel die tye verander, en ons kinders grootword in ’n wêreld waar rekenaars, selfone en ander tegnologie koning kraai, wil ons graag weer ouwêreldse kinderpret terugbring met ons partytjietemas en speletjievoorstelle. Met 22 temas om uit te kies sal Partytjies is pret 2 hope inspirasie bied. En ingeval jy nóg voorstelle vir die spesiale verjaardagkoek soek of die tyd vir die voorbereidings raak min, is daar ’n hoofstuk met 15 bykomende verjaardagkoeke en 6 kolwyntjieversierplanne. Dié vinnige en maklike voorstelle sal jou uit die verknorsing help en baie tyd bespaar.

AANDSTORIES VIR KLEUTERS | Fiksie vir kinders

Kleuterverseboek | Fiksie vir kinders

D.J. Opperman

Die Kleuterverseboek sal altyd die maatstaf vir alle ander bundels met kinderverse wees. Geslagte kinders is reeds deur die gedigte hierin vermaak.

Hierdie bundel verse is die eerste keer in 1957 uitgegee, en weer in 1981 verfris, toe ‘n nuwe omslag bygevoeg is. Die temas is ook opnuut gegroepeer en word duidelik in die inhoudsopgawe en voor elke afdeling genoem. Elke afdeling begin met eenvoudige verse en word geleidelik ingewikkelder. Die leser kan dan volgens elke kind se ouderdom en behoefte besluit waar om op te hou en weer terug te keer na die betrokke tema.

Bekende skrywers wie se verse ingesluit is, is Helena Lochner, A.G.Visser, W.O. Kuhne, Anna du Raan, Pieter W Grobbelaar, C.J. Langenhoven, en C.P.Hoogenhout.

Temas sluit in: “Rympies vir vingers, tone, tronies en ritjies op ponies”, “As die eerste klanke kom”, “Die ontdekkertjie se avonture”, “Terg- en uittelrympies”, “Raaiselrympies en rymspreuke”, en “Snelsêers en op-die-ketting-blaas”.

Pharos Afrikaans-Engels-Engels-Afrikaans Woordeboek / Pharos Afrikaans-English-English-Afrikaans Dictionary | Tweetalige woordeboeke

Pharos

In Februarie 2005 publiseer Pharos ’n boek waarna met groot afwagting uitgesien word – die Pharos Afrikaans-Engels-Engels-Afrikaans Woordeboek / Pharos Afrikaans-English-English-Afrikaans Dictionary. Ná tien jaar se werk is die nuwe uitgawe van hierdie vooraanstaande Afrikaans-Engelse vertalende woordeboek omvattend uitgebrei en bygewerk uit Pharos se databanke van hedendaagse taalgebruik. Sedert die publikasie van die vorige uitgawe van die Tweetalige woordeboek in 1984 het ons wêreld ’n politieke, kulturele en tegnologiese omwenteling beleef. Die Koue Oorlog en apartheid hoort tot die verlede en woordverwerkers en die internet het alledaags geword. Sien hoe hierdie veranderinge in die woordeskat van die nuwe Pharos Afrikaans-Engels-Engels-Afrikaans Woordeboek / Pharos Afrikaans-English-English-Afrikaans Dictionary weerspieël word – ’n onmisbare hulpmiddel vir die kantoor, huis en opvoedkundige

Tweetalige sakwoordeboek / Bilingual pocket dictionary | Tweetalige woordeboeke

DB Bosman

Hierdie woordeboek bevat meer as 30 000 Afrikaanse en Engelse trefwoorde met vertalings.

Charlize – Life’s One Helluva Ride | Biografie

Chris Karsten

In hierdie oorsigtelike huldeblyk aan ’n merkwaardige vrou ontleed Chris Karsten die geheim van haar vordering van ’n plot op Putfontein tot die panteon van sterre.

Dat Charlize Theron beeldskoon is, het gehelp. Maar iets besonders is in haar raakgesien. Boweal het sy geloof en vertroue in haarself en sy wéét hoe om verbete aan haar droom te klou. Vandat sy as jong tiener vir Tom Hanks en Daryl Hannah in Splash gesien het, was sy oortuig sy kon die rol van die meermin beter vertolk.

Uit onderhoude met familielede, onderwysers en vriende in Suid-Afrika, besoeke aan haar destydse en huidige leefwêrelde, en omvattende navorsing van die hoofstroommedia, gee Chris Karsten insig in die lewe en loopbaan van iemand wat haar en haar ma en haar vriende se privaatheid as heilig beskou. Op die vooraand van veertig hou die indrukwekkende omvang van haar repertoire haar posisie Hollywood steeds stewig. En aan ’n beter lewe kan sy nie dink nie: “Ek leef ’n droom.”

Ook beskikbaar in Afrikaans: Charlize - Ek leef my droom.

Trevor Manuel - ’n lewensverhaal | Biografie

Pippa Green

Trevor Manuel, sedert 1996 minister van finansies, is een van Suid-Afrika se geliefdste politieke leiers.

Hy word wyd bewonder vir sy knap hantering van die ekonomie en sy professionele leierskap. Hier vertel Pippa Green, bekende joernalis en Nieman-genoot, die volle verhaal van ‘n man wat van ’n nederige begin tot in die kern van mag gevorder het.

Trompie 1: Trompie | Fiksie vir kinders

Topsy Smith

Ons ontmoet Trompie, die elfjarige sproetgesig Grootkaptein van die Boksombende. Hy en Rooie, Blikkies en klein Dawie maak die lewe interessant (en soms taamlik moeilik!) vir die inwonders van hul tuisdorp, Kwaggaberg.

Hul avontuur met die dominee se bobbejaan ruk handuit en Trompie se poging om vir sy suster Anna ’n kêrel te kry, loop lelik skeef. Trompie raak lief vir ’n spelerige basterbrak, maar die hond behoort aan ’n ou man wat nie lank op hul dorp gaan vertoef nie. Die Grootkaptein se leierskap van die Boksombende word bedreig en hy en sy maat Rooie moet sake uitbaklei.

Dan is daar ook nog die skoolkonsert. Trompie stel kwansuis nie belang om deel te neem nie, maar op die nippertjie wed hy sy manskappe hy sal wél die aand op die verhoog verskyn. Ons held kry ook noodgedwonge ’n meisie, maar vind vinnig ’n manier om hom daaruit te wurm!

HELE REEKS OOK BESKIKBAAR!!!!!

Saartjie 1: Saartjie | Fiksie vir kinders

Bettie Naudé

Ons ontmoet Saartjie Baumann, die langbeenmeisie met die wipneus, kuiltjies in die wange en duisende duiweltjies in haar oë. Hierdie rabbedoe en haar twee maats staan bekend as Die Drie Muskiete en al wat hulle lewe versuur, is seuns en ’n klein niksnuts genaamd Muggie.

Saartjie reël ’n konsert om geld vir liefdadigheid in te samel en skryf haar eie toneelstuk daarvoor, maar dinge loop nie heeltemal soos beplan nie. ’n Paar dae later sluip sy en haar maats in by ’n bouvallige ou huis waar ’n kluisenaar jare gelede dood is en ontdek ’n geraamte en ’n ysterkis.

Haas Das se nuuskas | Fiksie vir kinders

Louise Smit

Almal van Menseland wat Haas Das kan onthou, en dié wat Haas Das nie kan onthou nie sal verheug wees dat die geliefde nuusleser van Diereland en sy assistant, Piet Muis, asook al die ander skreeu-snaakse karakters soos Grootoom Flapoor Olifant, Oompie Bulletjie Wildebees, Stokkina Meerkat, Moeder Raaf, Bettina Bobbejaan, Hasie Kwassie, Skillie Skilpad, en vele meer, en hulle manewales weer met ons is.

Hoe ons wonderlike liggaam werk | Naslaan & tuisstudie

Richard Walker

Hoe word voetvretende swamme in hulle spore gestuit? Hoekom gor jou maag as jy honger is? Al ooit gehoor van ’n suurbad in jou liggaam? Maak gereed vir ’n uitbundige gekerjakker deur die menslike liggaam. Kyk hoe afskuwelike toksiese bakterieë afgeweer word, koes tussen spuitende maagsappe, en beleef ’n gewaagde rit op bloedrooi golwe bruisende bloed. Indrukwekkende uitvoubladsye verklap die geheime van jou ingewande en ondersoek hoe al die belangrike deeltjies werk.

In hierdie tweede boek van die Brainwaves-span word die liggaam se fisiologiese prosesse en anatomiese samestelling ondersoek. Kyk hoe die Brainwaves saam met die liggaam se verdedigingsmag baklei teen toksiese bakterieë, spuitende verteringsappe probeer vermy of keer dat hulle weggespoel word deur ’n malende, bruisende rooi bloedrivier. Die Brainwaves is klein mensies op ’n groot avontuur. Sluit by hulle aan!

Die wonderlikste atlas van die hele wye wêreld | Naslaan & tuisstudie

Simon Adams

Hierdie boeiende atlas, wat wemel van die Slimkoppies – klein mensies met gróót idees – neem ons op ‘n wonderlike toer deur die wêreld soos jy dit nog nooit gesien het nie. Die ses uitvou-dubbelblaaie is veral besonders. Elkeen lê die klem op een van die ses vastelande: Noord-Amerika, Suid-Amerika, Afrika, Europa, Asië en Oseanië. Boonop is daar spesiale artikels oor allerhande dinge soos die aarde se bou, die wêreld se mense, oseane, en weer en klimaat.

Keurboslaan 1: Jong Doktor Serfontein | Fiksie vir jong volwassenes

Theunis Krogh

In hierdie eerste boek van die Keurboslaanreeks ontmoet ons die jong doktor Roelof Serfontein wat as verdwaalde en dodelik siek vreemdeling op Keurboslaan naby die Swazilandse grens beland.

Die bejaarde hoof van hierdie vervalle kosskool versorg die jong man met die misterieuse verlede en red sy lewe. Dr Serfontein besluit daarna om op Keurboslaan te kom werk as adjunk-hoof om daar fisiese en emosionele heling te soek. Onder sy bekwame hand word die skool gou opgebou tot een van die beste seunsskole in die omgewing en die indruk wat hy op die seuns maak laat hulle ’n nuwe lus vir die lewe vind.

Die avonture van Kuifie: Die krap met die goue knypers | Strokiesprente & grafiese roman vir kinders

Georges Hergé

Geheimsinne leidrade sit Kuifie en Spokie op die spoor van ’n gevaarlike bende opiumsmokkelaars. Kuifie word ontvoer, maar hy ontsnap en sy paaie kruis vir die eerste maal met Kaptein Sardijn. Saam pak hulle die smokkelaars in ’n avontuur wat hulle van die Saharawoestyn na ’n Marokkaanse hawe neem.

REEKS BESKIKBAAR!!!